11.01.2025 17:09:35
"ძმები ზდანევიჩების სახელობის თანამედროვე ხელოვნების ფესტივალს" 10 წელი შეუსრულდა. ყოველწლიური ფესტივალი "FEST I NOVA" წელს გამოფენა „როგორც აფრიკა, კავკასია“ ("Comme Afrique, Caucase")-ს უმასპინძლებს. ფესტივალი სამი დღის განმავლობაში 23-26 სექტემბერს ჩატარდება 12:00-დან 23:00-მდე. ფესტივალი ახალქალაქში მდებარე სახელოვნებო ცენტრში "Art Villa Garikula"-ს ტერიტორიაზე გაიმართება.
ფესტივალის 10 წლის იუბილეზე ფრანგი არტისტი, Charles Serruya საზეიმოდ წარადგენს არტ-ვილაში შექმნილ ქანდაკებას, რომელიც ნიკო ფიროსმანის ,,შავ ლომის'' მიხედვით შეიქმნა, ხოლო ფრანგი მოქანდაკე Richard Di Rosa გარიყულას ღია სივრცეში "ლენდ არტ" (იგივე ლანდშაფტის ხელოვნება) პროექტს , ,,ზეზვა'' უჩვენებს დამსწრე სტუმრებს.
საგამოფენო სივრცეში მოეწყობა საფრანგეთში მცხოვრები ქართველი მხატვრის, ანრი ბასილაიას პერსონალური გამოფენა. არტ ვილა “გარიყულას” ეზოში მუსიკალურ პერფომანს წარადგენს ჯინო დოლინი. პროექტი ხორციელდება საქართველოს განათლების,მეცნიერების , კულტურისა და სპორტის სამინისტროს მხარდაჭერით. პროექტის პარტნიორი "ფრანგული ინსტიტუტი" და სასტუმრო "სტამბა" გახლავთ.
დამატებითი ინფორმაციისთვის დარეკეთ: 599 72 83 83
ფესტივალი
ფესტივალი
ფესტივალი
