11.01.2025 23:53:51
მიკოლა დედოკი ბელორუსი პოლიტიკური აქტივისტი და ჟურნალისტია. ის ჩამოდის თბილისში, რათა მოგვითხროს, თუ როგორ იქცა პოლიტიკურ პატიმრად და წარადგინოს წიგნი, რომელიც დაწერა ბელორუსის სასჯელაღსრულებითი სისტემის შესახებ. მიკოლამ დაახლოებით 5 წელი გაატარა პატიმრობაში, მას დაუსაბუთებელი ბრალი წაუყენეს პირდაპირი მოქმედების აქტში მონაწილეობისთვის, რომელიც განხორციელდა ანარქისტული მოძრაობის სახელით.
წიგნის ნაწილი დაიწერა მისი ჯერ კიდევ ციხეში ყოფნის დროს, ნაწილი კი - გათავისუფლების შემდეგ. წიგნში “ფერები პარალელური სამყაროდან”, დედოკი აღწერს, თუ როგორ შეძლო ადამიანური სახის შენარჩუნება უწყვეტი დამცირებებისა და უსაფუძვლო სასჯელების მთელი რიგის შემდეგ; როგორაა შესაძლებელი, კარცერში გატარებული ნახევარი წლის შემდეგ საღ გონებაზე დარჩენა, და იზოლაციაში ყოფნის დროს როგორ უნდა შეინარჩუნო შენი იდეებისა და შენთვის ძვირფასი ადამიანების მიმართ ერთგულება...ციტატა: “ციხე ყველაზე კონცენტრირებული ანარეკლია იმისა, რასაც ციხის გარშემო ვხედავთ, გრეკვეულწილად, ეს იმის პროდუქტია, რაც მთელს საზოგადოებაში ხდება. ადამიანები, რომლებიც თავისუფლების აღმკვეთ დაწესებულებებში მუშაობენ და ხშირად კრიმინალებზე უარესად მოქმედებენ, სწორედ ამ საზოგადოებაში იზრდებიან, და გაჯერებულნი არიან მისი ნორმებითა და ღირებულებებით. როდესაც ჩვენ ვსაუბრობთ ციხეების რეფორმირებაზე, ჩვენ უნდა ვიფიქროთ მთელი სოციუმის რადიკალურ ცვლილებაზეც. ჩვენ მივდივართ ჯერ სკოლაში, შემდეგ ჯარში და სამსახურში. აქ ყველგან, ჩვენზე ხორციელდება გარკვეული ზეწოლა ექსპლოატაციური ინსტიტუტებისგან, ხოლო მაშინ, როდესაც სისტემის ჩარჩოებიდან გასვლას ცდილობ და უპირისპირდები მას, შენ ისევ წნეხის ქვეშ ექცევი და ციხეში მოხვედრა გემუქრება.
”პრეზენტაციის დროს საშუალება გექნებათ, ჰკითხოთ მიკოლას ბელორუსის ციხეებში არსებული არაფორმალური იერარქიის შესახებ, ასევე ბელორუსში მოქმედი ანარქისტული მოძრაობის შესახებ, და თუ როგორ შეიძლება მათი დახმარება, ვინც რეჟიმის "წყალობით” გისოსებს მიღმა იმყოფება.პრეზენტაცია შედგება ინგლისურ ენაზე (საჭიროების შემთხვევაში შესაძლებელია თარგმანიც) მიკოლას წინააღმდეგ წამოწყებული დევნის შესახებ მეტი ინფორმაცია შეგიძლიათ იხილოთ აქ.
პრეზენტაცია გაიმართება საჯარო ბიბლიოთეკის მე-2 კორპუსის კინოდარბაზში.
სხვა ივენთები
სხვა ივენთები
სხვა ივენთები
სხვა ივენთები
