საქართველოს ეროვნული არქივის ყოველწლიური კონფერენცია გაიმართება

      საქართველოს ეროვნული არქივის ყოველწლიური კონფერენცია „არქივმცოდნეობა, წყაროთმცოდნეობა-ტენდენციები და გამოწვევები“, რომელიც 2018 წლის 20-22 სექტემბერს გაიმართება, საქართველოს დამოუკიდებლობის აღდგენის 100 წლისთავს მიეძღვნება. ტრადიციული ბლოკების გარდა კონფერენციაზე ცალკე მიმართულებად იქნება წარმოდგენილი 1918-21 წლების საქართველოსა და სამხრეთ კავკასიასთან, საქართველოს დამოუკიდებლობის გამოცხადების წინაპერიოდსა და პირველი ქართული დემოკრატიული სახელმწიფოს ემიგრაციასთან დაკავშირებული თემები.კონფერენციაში მონაწილეობის მსურველთაგან თეზისების მიღება უკვე დაიწყო. 

   

     კონფერენციის მიზანია სამეცნიერო სიახლეების თავმოყრა, მჭიდრო სამეცნიერო კავშირების დამყარება ქართველ და უცხოელ მეცნიერებს შორის, ინტერდისციპლინარული და ინტერკულტურული კვლევების ხელშეწყობა, კულტურული მემკვიდრეობის მენეჯმენტის თანამედროვე მოთხოვნებთან ადაპტაცია, ციფრული ჰუმანიტარიის სფეროს სიახლეების გაზიარება. კონფერენცია მოიცავს რამდენიმე სამეცნიერო მიმართულებას: საქართველო და სამხრეთ კავკასია 1918-1921 წლებში; არქივმცოდნეობა; წყაროთმცოდნეობა; ისტორია/ხელოვნების ისტორია/ეთნოგრაფია; ფილოლოგია; რესტავრაცია-კონსერვაცია; კულტურული მემკვიდრეობის მენეჯმენტი და სხვა.კონფერენციის ფარგლებში გათვალისწინებული იქნება მცირე საგანმანათლებლო პროგრამები, რომლებიც პლენარული სესიების ფარგლებში ჩატარდება.ეროვნული არქივის ყოველწლიურ საერთაშორისო კონფერენციას საფუძველი 2016 წელს ჩაეყარა. კონფერენციის შესახებ დამატებითი ინფორმაციისთვის გადადით ბმულზე.

მსგავსი ღონისძიებები
15:00 საათიდან Neverland - ნევერლენდი-ის ზღაპრის გმირები, შოუ წამყვანები, ანიმატორები, ასევე, დრამერები და ოჩოფეხები იზრუნებენ თქვენი განწყობის შექმნაზე.
სხვა ივენთები
საიუბილეო საღამოს მოდერაციას პროფესორი ალექსანდრე კარტოზია წარმართავს.
სხვა ივენთები
რადიო პალიტრა ჩაატარებს გრანდიოზულ გათამაშებას, სადაც ყველასთვის ცნობილი და საყვარელი ბრიტანელი ვარსკვლავის, ჯეიმს ბლანტის კონცერტის  ბილეთი გათამაშდება .
სხვა ივენთები
პრეზენტაცია გაიმართება ქართულ ენაზე, უზრუნველყოფილი იქნება სინქრონული თარგმანი ინგლისურ ენაზე.
სხვა ივენთები
კვირის ღონისძიებები