11.01.2025 20:49:39
ლევან ლაღიძის გალერეა, ფალიშვილის 23 ნომერში მდებარეობს. ყოველთვე მხატვარი ირჩევს რიცხვს, რომელსაც იგი „ჩემ დღეს“ უწოდებს და „ღია კარის“ დღეს აწყობს. ამ კონკრეტულ დღეს კი, მნახველებს შესაძლებლობა ეძლევათ, გალერეაში გამოფენილი, ყოველი ნამუშევარი დაათვალიერონ.
გალერეაში ნამუშევრებთან ერთად, შესაძლებელია შარფების, ჭიქებისა და კალენდრების შეძენა, რომლებზეც არტისტის ნახატებია გამოსახული. კალენდარს „ჩემი დღე“ ჰქვია, და ყოველი თვის განსაკუთრებული რიცხვი მუქადაა მონიშნული.
14 მარტი კიდევ უფრო განსაკუთრებული თარიღი აღმოჩნდა, რადგან მხატვარმა ერთ-ერთი თავისი ნამუშევარი გაათამაშა. გამარჯვებული ის ბედნიერი ადამიანი აღმოჩნდა, ვინც კალათაში ჩაწყობილი ფურცლებიდან ერთადერთი წარწერიანი ფურცელი ამოიღო.
მხატვარს ახლახან ჰქონდა პერსონალური გამოფენა ბერლინში, შემდეგი გამოფენის მოწყობას კი ლონდონში გეგმავს. მისი ნამუშევრები პარიზის, ვენის, მოსკოვის, ლონდონის და სხვა ქვეყნების მუზეუმებში გამოფენილა.
თათა ბერაძე
გამოფენა
გამოფენა
გამოფენა
გამოფენა
