11.01.2025 23:52:09
მწერალი, მუსიკოსი და რეჟისორი ერეკლე დეისაძე და გამომცემლობა სიესტა წარმოგიდგენთ ორ რომანს - „დამლაგებელი“ და „რუსული არდადეგები“.
უცნაურობა, გნებავთ, ამოსავალი წერტილი ამ რომანებში არის ის, რომ მთავარი პერსონაჟები არაფრის დიდებით არ უნდა ეძებოთ იქ, სადაც თავიდან გეგულებათ - წესი პირველი, ეს გზაკვალს აგიბნევთ და მათ ვერასდროს მიაგნებთ. ეს პერსონაჟები და მათ ზურგსამოფარებული ავტორი უნდა ეძებოთ იმ ტრანსგრესიულ მეამბოხეთა შორის, რომლებიც საზოგადოების მიერ თავსმოხვეულ ნორმებს უპირისპირდებიან.
ორივე რომანი მოულოდნელობებითაა აღსავსე და ერთი ამოსუნთქვით იკითხება. ამიტომ, ვიდრე კითხვას შეუდგებით, ძალიან ღრმად უნდა ჩაისუნთქოთ - წესი მეორე.
დანარჩენს კი ადგილზე გაიგებთ, თუ 18 დეკემბერს ამ უცნაურ კაცს შეხვდებით და მოისმენთ მის საუბარს "ბიბლუსი გალერიში", კანდელაკის 7-ში.
საუბრის პარალელურად, შეგეძლებათ ორივე რომანის შეძენა და ერეკლე დეისაძისგან სამახსოვრო ავტოგრაფის მიღება.
დასწრება თავისუფალია.
სხვა ივენთები
სხვა ივენთები
სხვა ივენთები
სხვა ივენთები
