ედუარდ კურტისისა და ევდოკია კოჟევნიკოვას ნამუშევრების გამოფენას „მიწიერი და საკრალური სამყარო"

14 იანვარი 2018

14:10

საქართველოში ამერიკის შეერთებული შტატების საელჩოს და საქართველოს ეროვნული მუზეუმის ორგანიზებით, სვანეთის მუზეუმი მასპინძლობს ედუარდ კურტისისა და ევდოკია (დინა) კოჟევნიკოვას ნამუშევრების გამოფენას „მიწიერი და საკრალური სამყარო".

გამოფენაზე წარმოდგენილი ედუარდ კურტისის ფოტოები ჩრდილოეთ ამერიკელი ინდიელების ასი წლის წინანდელი ყოფა-ცხოვრების შესახებ მოგვითხრობს. დინა კოჟევნიკოვას ფოტოები კი ზემო სვანეთის სოფლების ცხოვრებას ასახავს XX საუკუნის 30-იან წლებში. დამთვალიერებელს შესაძლებლობა ეძლევა, გაეცნოს და შეადაროს ამ ორი უძველესი კულტურის მქონე ხალხის ეთნოკულტურული მემკვიდრეობა.

ედუარდ შერიფ კურტისი (1868-1952) ჩრდილოეთ ამერიკის მკვიდრი მოსახლეობის ყოფისა და კულტურის ყველაზე ცნობილი მკვლევარია. 1900-1930 წლებში კურტისმა იმოგზაურა ჩრდილოეთ ამერიკის კონტინენტზე, შეისწავლა ამერიკელი ინდიელების 80-ზე მეტი ტომის ცხოვრება, გადაიღო ფოტოები და შეაგროვა ვრცელი ეთნოგრაფიული მასალა.

1927 წელს, სანქტ-პეტერბურგის უნივერსიტეტის დამთავრების შემდეგ, ეთნოგრაფი ევდოკია (დინა) კოჟევნიკოვა (1905-1975) თავისი მასწავლებლის - ნიკო მარის რჩევით პირველად ეწვია სვანეთს. სვანეთში ხანგრძლივად ცხოვრების შედეგად, კოჟევნიკოვამ უნიკალური ეთნოგრაფიული მასალა შეაგროვა სვანეთის ყოფის, კულტურისა და სარიტუალო წეს-ჩვეულებების შესახებ. აღსანიშნავია, რომ მისი ფოტოარქივი პირველად ქვეყნდება.

პროექტის თანაორგანიზატორები არიან ამერიკის შეერთებული შტატების კონგრესის ბიბლიოთეკა, ქართულ-ამერიკულ უნივერსიტეტი და აბრეშუმის სახელმწიფო მუზეუმი.

სამუშაო საათები: 10:00-18:00 (ყოველდღე, ორშაბათის გარდა)მისამართი: სვანეთის ისტორიისა და ეთნოგრაფიის მუზეუმი, მესტია, ა. იოსელიანის ქუჩა 7

მსგავსი ღონისძიებები

უძრავი ქონების გამოფენა-გაყიდვა საქართველოში პირველად გაიმართება

გამოფენა „არია ექსპო 2018“- ის სტუმრებს შესაძლებლობა ექნებათ საქართველოს წამყვანი სამშენებლო კომპანიების წარმომადგენლებს პირადად შეხვდნენ და მათი პროექტებისა და მიმდინარე შეთავაზებების შესახებ ამომწურავი ინფორმაცია ადგილზევე მიიღონ.

გამოფენა